睇醫生

在診症室, 都係一臉傻瓜樣!!!!!!!!

泰臣係一個好開心既小朋友, 其他狗狗會唔敢去診所, 但係佢去到無驚驚, 仲好鍾意去, 見到其他狗狗又會fing哂尾......


今次去係因為皮膚唔好, 有好多皮屑, 但係有皮屑既位置又無紅無腫, 不過都同佢睇下, 醫生拎左D皮屑去驗, 要兩個星期至知結果...  


但係有樣野知道左.. 就係.... 大少已經 32.7磅!!!!!!!! 好肥呀!!!!!!!!!!!!! 要減返起碼三磅至得啦!!!!!!!!

喇叭臣

見到其他blog友既貓貓做絕育要帶喇叭為免貓貓會自己整親傷口, 諗返起臣臣一帶起喇叭雖然有D唔自在, 但個樣又好似好開心咁架喎~~~ 

呢張係唔知邊年既聖誕, 應該係成日lum 手仔, 所以我地比左個喇叭佢帶, 呢隻係軟林林既, 可能咁樣無咁辛苦, 佢一帶親我地又會讚佢靚仔... 所以有呢個傻樣!

伊豆

因為應承左大叔, 所以就post 返幾張相啦!!!  遲D考完哂試就真係寫返臣臣既紅葉東京伊豆遊啦!

話說2010年11月果時同臣臣去左日本遊行, 同行的仲有臣臣朋友cheri 及其爸爸媽媽!  一行四人二狗就出發啦!  我地由香港飛去成田機場, 係東京住左一晚就出發去伊豆, 因為同兩隻小狗去既關係, 我地就黎個自駕遊啦!!!  (基本上係cheri 爸爸駕得最多, 我只係駕左一小段, 真係辛苦哂呀!)

好啦...  呢個就係大室山後面既櫻花里!!  如果櫻花時節應該會好靚!!!
咁點解我地會去呢? 因為比臣臣放一放電!!! 等佢跑下!

呢棵就係我地去到日本第一棵既紅葉樹啦!



臣臣:  大地在我腳下!!!!




話行十分鐘就到大室山, 咁我地就駕車, 咁如果行既話, 應該十數分鐘係會到既~~~ 我估... 



呢度話毎年二月第二個星期日就會火燒大室山架啦.  唔知大叔去伊豆係咩時段呢?!  有無錯過左呢?!






 呢個就係大室山既相啦... 嘻嘻... 點解得呢D相?!



大家睇唔睇到後面既吊車呀??? 因為我爸爸有畏高...又怕我郁黎郁去... 所以咪無同我上去囉... 不過朋友仔CHERI話幾好行, 有D佛像, 行一個圈就落黎啦!

去完大室山, 我地仲去左個動植物公園..... 不過媽媽話下次至比大家睇, 因為今次係為左大叔寫既... 但係都比張相你地睇!

登登登... 左邊既就係仙人掌雪糕! 右邊係普通既朱古力雪糕... 爸爸話仙人掌雪榚好似草味, 我都係咁話!!!!




呢個就係城崎海岸啦!!!!

 

呢個就係條吊橋... 見唔見到隻狗狗, 佢就係我朋友cheri啦!!!!

後面係成條吊橋啦....  其實仲有其他位都幾好風光架.... 不過今次都係出住呢D先啦!

好啦.. 玩左成日, 我要返去旅館食飯休息下... 

等我媽咪考完試, 就繼續寫啦.... 嘻嘻

散步

僕人考完mock, 帶左臣臣去行下... 行到好眼瞓... 


泰臣:  喂!  咪瞓呀... 快D行啦!!!!!!!!!
僕人:  係係係... 黎緊.... 

有無掛住我?!

Happy Valentine's Day

呢個係兩三年前情人節時訂製既情狗節蛋糕, 當時臣臣同朋友仔一起分享的~~ 今年唔係假期, 唯有拎返張相出黎比臣臣望梅止渴呀! :P

祝各位 情人節跟寵物們過得快快樂樂!!!!

辛苦哂!

呢張相有少少恐怖! 瞓到不醒狗事咁!!!

話說我係屋企溫書, 爸爸負責帶臣臣落街, 點知佢條友約朋友係大坑買野,
結果臣臣由屋企落大坑再行返屋企.... 總共行左4.2公里!!!  (根據google map)
臣臣夜晚唔夠九點就瞓左... 瞓到咁既樣!!! 失禮哂!!!