拜山記

清明時節雨紛紛, 果然朝早天氣都尚可, 

臣少一出門口就開始落雨啦!  

今日臣少第一次同我地一齊去拜太公, 公公同埋爺爺...  

拜完太公同公公, 就去搵爺爺啦... 

因為係正日, 都好多人呀... 

臣臣:  爺爺呢邊咁斜既.... 

結果, 行左個幾鐘就完成呢次拜山, 因為行去爺爺果度有段黃泥水路, 結果臣少本身四蹄踏雪變左踏C..... 

要即時CALL姐姐幫佢沖個靚涼, 好彩姐姐得閒者... 

如果唔係.. 爸爸應該唔比佢入門口! XDD

新年立立雜

祝各位 蛇年快樂~~身體健康~~ 萬事如意~~~

呢個係Sammy姐姐幫
臣臣做既新年造型~~

呢個係聖誕造型!!  佢地好好,
影左相仲放係咭裡面

嗲精臣!

今年繼續做蘿蔔糕俾臣臣,
同埋朋友仔 finfin

新年前去左行柏架山到大潭

行到上山頂己經伸哂脷!

臣臣: 同阿四合照

臣臣:  同阿四同埋兩個Auntie一齊又影張~

行完, 就搭的士去赤柱食個
lunch, 等食臣~~

新年期間要周圍去拜年, 所以同臣臣
去附近行下就算啦!  肥到呢~~~

多謝！

臣臣：先要多謝cat姐姐既毛毡！你實在太客氣啦！其實我成日＂富＂被架！仲有小蜜蜂咭同書簽！

另外，多謝大叔寄比我媽媽既達仔月曆！正！

多謝哂兩位！

無聊一拍

平時我地就係咁同臣臣玩架啦... 

(不過upload之後, 影像質素差左D)

聖誕快樂!

祝大家聖誕快樂!  2013年一切安好!!!

臣臣:  媽媽帶左我返屋企探婆婆,
我係咪好醒目呢?!!

杜牙根

十一月尾帶左臣臣去洗牙, 發現有隻臼齒脫左隻腳, 要去杜牙根!!!!  原來, 香港係無獸醫牙醫架!  呢個醫生係由外地黎香港, 一年黎香港幾次, 毎次一至兩個星期, 好彩咁岩十二月頭佢再黎, 所以上個星期日帶左臣臣去做手術啦!

因為要麻醉, 所以臣臣由手術前一晚八點就唔可以食野啦..... 結果十點半聽醫生講解個手術大約要做D乜之後, 咁就放底左臣臣係診所準備杜牙根啦!  十二點幾果時姑娘打黎, 話仲有三隻大牙要脫左佢, 嚇到我地死咁細個就要做無牙佬????? 結果急急腳走返去睇清楚情況, 好彩醫生話唔會影響到佢食野, 咁都無咁驚..... 咁我地就走啦... 然後四點鬆D我地就去接臣臣, 佢都叫精靈, 仲偷食診所既貓糧(!)....可能真係餓左好耐.....陰公! 

三個月之後, 臣臣仲要去多次加個永久既crown, 咁至叫做完成.... 好彩平時有幫臣臣買保險, 如果唔係就甘囉!  (不過唔知賠到幾多.... )

臣臣:  我地黎做乜呀?  我無早餐食既??

呢個樣係第一次去洗牙, 好似好精靈!

做杜牙根之前, 同佢walk 一野先...
佢果時仲未知道要去做手術!

呢個係做完杜牙根既臣臣,
好攰咁, 都變左呆雞左幾日... 

呆雞!

以下圖片有少少血腥...........

臣臣的牙齒

入選

前文提要 臣臣今年參加左"您的寵身 x LAWC"既2013年曆咭, 今日收到EMAIL, 臣臣入選了!!!  如果各位街坊想要年曆咭既話, 請send 你地既通信地址去 tysonchan611@gmail.com, 收到年曆咭後, 我會寄俾大家!

臣臣:  多謝各位支持!!!! :)