手信

剛從巴黎倫敦回來, 很想念肥臣臣.... 

在巴黎, 逛街的時候見到狗狗可以隨意跟主人入老佛爺, 春天shopping, 就幻想希望有天可以同臣臣到巴黎的公園玩, 一齊去老佛爺買野, 坐係鐵塔附近的公園玩波波..... 但坐咁耐飛機, 佢一定會好辛苦.... 法國人做野又求其, 萬一有咩意外就唔好... 都係多點留香港陪臣臣去玩才是上策!

泰臣紅葉之旅 2010 (8)

Day 8 (19.11.2010)

快樂既旅程到尾聲啦~~ 因為只係訂到早機返香港, 所以唯有一早就送臣臣同CHERI 去日本既貨運站啦~~~~~~ 其實我地係送佢地上office, 不過離開既時候已經見到少爺小姐去到貨運站啦!!!

阿四:  臣臣, Cheri 你地乖乖地搭飛機啦~~~
好快就返到香港架啦!!

臣臣:  阿四, 返到香港你記得第一時間接我呀!!!
唔係你就知味道!!!!!

跟住我地就去機場入閘啦~~

襯未上機啪個豬扒飯先!!!

.
.
.
.
幾個鐘之後, 我地落機後, 拎埋行李
就搭的士去機場貨運站接少爺啦!!

呢個就係貨運站既漁農署... 

辦一連串既手續... 

等左好耐.. 差唔到成半個鐘, 至接到少爺~~

臣臣:  嘻嘻~~~ 返屋企LU~~~~ 唔知幾時再去旅行呢?!!!

小意外: 爸爸係等臣臣既期間放低左個backpack係漁農署, 見到臣臣出黎, 就急急腳拎埋D野就同臣臣上的士.... 結果唔記得拎返個袋!!!!!!!!!!!!!   裡面仲有部電腦架!!!!!


結果, 阿四被吩咐飛的士再去呢個貨運站拎返個袋.... 好彩無野唔見.... THANKS GOD!!!!!!!!!

泰臣紅葉之旅 2010 (7)

Day 7 (18.11.2010)

話咁快就到旅程尾二果日啦..... 今日吃過早餐, 就去左呢樹.........

滿地銀杏葉啊!!!

好多人黎欣賞漂亮既銀杏樹

爸爸跟臣臣一起走過的路

好鍾意臣臣呢個樣.... 好似好開心咁~~

臣臣好似坐得好優雅... XDDD  
(爸爸既味精相)

泰臣:  我係親善大使!!!

 之後臣臣陪我地去shopping...........

泰臣:  你睇下我坐得幾靚~~~~

泰臣:  爸爸去左佢最喜歡既品牌潮聖,
我就同阿四係門口影下相!

影影下, 發覺個SALES係咁望出黎~~~ 唔通唔比影咁衰?!

泰臣:  原來係邀請我呢位VIP入店內接受日式按摩!!!
嗯... 舒~~ 服~~~~

泰臣:  玲姐好野!!!  大家記得幫襯佢呀!!
佢D員工按摩技術幾好幾好!

泰臣:  迷失表參道~~

係東京搵接納狗狗進入既餐廳其實都幾多,
不過通常都要坐露天, 包括呢間名貴餐廳.

泰臣:  聽朝就要搭飛機返香港啦~~~ 早抖!!!

泰臣紅葉之旅 2010 (6)

DAY 6 (17.11.2010)

要CHECK OUT啦!!! 要返東京了!
為民宿好好影一幅先!

呢架就係我地駕駛左多天既ISIS啦!  

去東京中途, 先去御殿場黎個最後衝刺!
泰臣:  阿四, 快D行啦!!!  行咁慢,
你點幫我同老豆拎戰利品呀?!!!

泰臣:  個阿四呀... 自己走左入去睇野?!!!!!

泰臣:  呢間餐廳既露台我地狗狗都可以入去架!!!
不過要同煙民共處囉! 

係outlet無乜收獲, 就去台場啦!!!!

去到商場, 臣臣就同龍貓巴士影張相先!!
之後仲去左shopping, 佢買左件雨褸!! 

泰臣:  爸爸話我污糟, 結果叫日本姐姐幫我沖涼...
呢兩個姐姐就係幫我沖涼架啦!!!  我係咪好靚仔呢?!!!

泰臣:  沖完涼, 就返酒店食我既LATE DINNER LU~~~ 


明天旅程繼續!

泰臣紅葉之旅 2010 (4)

Day 4 (15.11.2010)


吃過早餐, 就離開民宿啦!  首站係去修善寺!


泰臣:  喂!  有紅葉睇未架?!  阿四, 你咁樣欺騙觀眾, 無人會再跟你團架啦!!!
僕人:  errrrrrrr.........

修善寺門口... 終於都有紅葉睇啦!!!

有溫泉既地方, 就有得浸腳.. 好正!!!

臣臣:  今日天氣幾好!

臣臣:  阿四, 算你啦!  總算見到紅葉啦!  

臣臣: 你地見過紅葉未?!  :P

Cheri 都黎影返幅!

臣臣:  呢樹係 '竹林小徑'.... 仲見到講日文既金毛~~~

紅葉真係好漂亮

臣臣:  爸爸... 呢度係咪有野食呀?!!!
爸爸:  行啦!!! 你唔食架!!!!!!

臣臣:  係喎... 得wasabi咋喎!!!  sashimi呢!?!!!

參觀完修善寺, 就去................

臣臣:  阿四, 唔好話我刻薄你呀...
拿.. 呢度係御殿場OUTLET... 快D去買D野比我啦!!!

行完outlet 就駕車返去民宿附近, 除左訂左兩份和牛之外,
再係附近既supermarket買左好多和牛, 蠔, 菇.... yummy!!

呢間就係我地呢兩晚會住既獨立屋 - 陽だまりの家  啦~~

第一次瞓塌塌米既臣臣
臣臣:  仲影?!!!!! 瞓啦!!!!!!! 聽朝仲有行程架!!!!!