前言
遊日是本人愛好之一, 雖然去過的地方實在不算多, 但真的喜歡當地既風景, 人物, .... 所以當知道有人帶狗狗去日本旅行, 就成為我的夢想, 跟爸爸提起, 佢通常都話呢樣麻煩, 果樣唔得.... 好了, 好彩有朋友也想帶他們的狗狗去, 結果2009年我們就開始籌備, 包括打瘋狗針, 年度針, 驗血, 安排行程, 住宿, 交通... 結果2010的秋天終於展開了我們的七日六夜紅葉之旅!!!
DAY 1 (12.11.2010)
好早就出發, 因為我地要去漁農署攪手續 (不過據聞呢個程序已經簡化左, 可以直接上counter check-in), 攪掂之後, 就上去check in... 過磅....
 |
| 左邊係 Cheri, 右邊係 Tyson... |
 |
| 襯未使上機前, 先同佢地出機場行一陣, 睇下使唔使放低幾兩先... 結果係無既! |
 |
| 未夠鐘, 就係機場坐下... 臣臣好似好八卦咁.... |
 |
| 泰臣: 僕人要求同我影合照.... 成全下佢啦!!!! XDDD |
 |
| 泰臣: 好啦.. 我就快上飛機啦!!!! 唔知嘈唔嘈呢?!!!! |
四小時後.....
 |
| 呢個係我地係成田空港輸送帶接佢時, 佢個水樽跌左!!!!!!! 咁咪成程都無飲過水囉!!!! 哎呀!!!!! 快D快D補充返D水份!!!! 因為未比當地入境處檢查, 所以唔可以即刻抱佢出黎呀!!!! |
 |
| 我地攪完手續, 出境, 拎行李, 再拎車.... 去到東京巿內都已經六點幾.... 仲要搵我地今晚住既酒店(因為係小街都幾難搵!), 去到放低行李就嗱嗱聲出去同臣臣感受下新宿繁忙既街道! |
 |
泰臣: 後面既crepes係我今晚既甜品... 嘻嘻!!
僕人: 實情係泰臣搶我地既crepes黎食!!!! >.< |
第一日就係怱怱忙忙之下結束了, 第二日要向伊豆前進!!!!!!!!
