我家大少

2012年6月20日星期三

泰臣紅葉之旅 2010 (4)

Day 4 (15.11.2010)

吃過早餐, 就離開民宿啦! 首站係去修善寺!

泰臣: 喂! 有紅葉睇未架?! 阿四, 你咁樣欺騙觀眾, 無人會再跟你團架啦!!!
僕人: errrrrrrr.........

修善寺門口... 終於都有紅葉睇啦!!!

有溫泉既地方, 就有得浸腳.. 好正!!!

臣臣: 今日天氣幾好!

臣臣: 阿四, 算你啦! 總算見到紅葉啦!

臣臣: 你地見過紅葉未?! :P

Cheri 都黎影返幅!

臣臣: 呢樹係 '竹林小徑'.... 仲見到講日文既金毛~~~

紅葉真係好漂亮

臣臣: 爸爸... 呢度係咪有野食呀?!!!
爸爸: 行啦!!! 你唔食架!!!!!!

臣臣: 係喎... 得wasabi咋喎!!! sashimi呢!?!!!

參觀完修善寺, 就去................

臣臣: 阿四, 唔好話我刻薄你呀...
拿.. 呢度係御殿場OUTLET... 快D去買D野比我啦!!!

行完outlet 就駕車返去民宿附近, 除左訂左兩份和牛之外,
再係附近既supermarket買左好多和牛, 蠔, 菇.... yummy!!

呢間就係我地呢兩晚會住既獨立屋 - 陽だまりの家啦~~

第一次瞓塌塌米既臣臣
臣臣: 仲影?!!!!! 瞓啦!!!!!!! 聽朝仲有行程架!!!!!

2012年6月11日星期一

HAPPY BIRTHDAY... MY DEAR~~~

昨日去左糧船灣, 不過傾盆大雨, 結果食左海鮮先,

再睇情況, 結果太陽伯伯終於露面,

臣臣終於2012年第一次落水啦!!!!

其實都幾大浪, 所以都唔比佢游得好出.

今日係臣臣既五歲生日, 希望臣臣生日快樂, 身體健康!! 媽媽永遠愛你!!!

2012年6月6日星期三

泰臣紅葉之旅 2010 (3)

Day 3 (14.11.2012)

食早餐之前, 係民宿門口影左幾幅,
臣臣個樣呆呆的, 應該係陌生地方沒有睡好~~~

食過早餐之後,
就去左さくらの里等臣臣放下電..............

呢度就係櫻花里, 時為十一月所以櫻花都沒有了,
不過還有一棵殘殘的十月櫻, 大家看到嗎?!

臣臣: 呢度跑唔跑得呢... 等我聞下先~~~

結果, 臣臣跑到成個波咁... XDDD

仲有.... 圓圓的屁股!

之後就去大室山, 如果大家有睇前文都知道我地無上到大室山,

而朋友仔cheri 一家人就有上去, 但係我地都有係地面度影下相.

大家有無睇到'DOG OK'?
果樹狗狗係入得, 可以去買土產.

咁Cheri 佢地係大室山既時候,
我地就係對面行下等佢地啦!!!

等埋一齊之後, 我地搭shuttle
就上到去呢個伊豆仙人掌公園啦!

呢個係仙人掌軟雪糕, 爸爸話係草味......

同呢D大波波仙人掌影相...
好似話呢D仙人掌好大年紀架啦!!!

泰臣: 哎呀.....邊個綁住我係度?!!!
僕人: 無呀, 老細.... 條帶繞住左個牌之麻!!!

行到咁上下, 就係公園裡面既餐廳醫肚,
味道普普通通啦, 勝在有個天台可以比狗狗入...
休息下, 飲下水.

其實呢度都幾多動物, 仲有D可以自由行, 好似孔雀, 馬騮仔 (唔知咩品種)..........
行完個公園我地就駕車去左城ヶ崎海岸諗住坐遊覽船,
不過要狗狗們入袋, 所以我地就放棄,
結果駕車去到つり橋行20分鐘去城ヶ崎海岸啦!

國立公園城ヶ崎海岸

之後拎返車準備返去民宿食晚飯啦!!!
不過, 見有D時間就係回程果時停係旅の駅睇下野....
原來有個比狗狗飲水自由行既地方的....

仲有足湯浸下腳添.. 爽呀!!!

再黎到此一遊相....

泰臣: 呢度係恋人テラス(即係戀人的露台),
等我同個像影張相先! 其實呢度仲有幾支柱,
可以放相機玩自拍... 好得意架!!!

好啦.. 夜啦... 真係要返去食飯啦.....

呢度D晚餐真係OK, 尤其是爸爸咁鍾意食魚.

至於臣臣呢..

泰臣: 又係雞肉... 好悶啊!!!!!!!
喂! 又話紅葉之旅, 點解我一棵都未見到架?!
阿四, 你點做野架?!
僕人: errrrrrrrrrrrrr..... 我都唔知天氣咁架....

食完晚飯, 今晚就要執行李啦... 因為聽日就要去第二間民宿啦!!!!
希望有紅葉啦... 唔係少爺又鬧架啦!!!

[待續]

2012年6月4日星期一

泰臣紅葉之旅 2010 (2)

DAY 2 (13.11.2010)

第二日由新宿駕車去伊豆了!!!!!!!!!! 因為塞車, 駕左差不多三個幾鐘, 係去民宿既途中.. 先到伊東既道の駅抖下, 食下野, 買下土產... 呢度一列商場都幾多野買, 不過因為係第一站, 所以我地都忍忍地手~~~

呢度就係伊東道の駅... 其實係整天都天陰陰, 係去到呢度叫做好D

泰臣: 影返張到此一遊相先!

後面果架係海盜船, 但係我地無坐呀!

我地之後就駕車去民宿, 因為要趕係六點之前去到食晚飯, 但因為落大雨, 好黑, 根據GPS行幾次附近都搵唔到, 唯有去附近既店舖要求店員幫我地打電話到民宿, 佢地都好好呀, 肯幫我地. 結果要勞煩民宿既員工駕車帶路, 原來果個員工仲要係煮飯果個黎架... 真係超級唔好意思呀!!!

佢係看板犬~~

呢個係民宿預備既晚餐, 都真係幾好味... 特別係果個黑豚...
好好味!

你睇泰臣幾開心! 佢既晚餐係雞肉蔬菜呀!

泰臣: 我唔識日文, 所以我無同佢講過野!

泰臣: 你地仲影!?! 快快趣趣食埋, 我要返上房瞓啦!!!

經過一日既車程, 大家都好疲累, 所以食飽就各自回房休息啦~~~

[待續]

2012年6月1日星期五

泰臣紅葉之旅 2010 (1)

前言

遊日是本人愛好之一, 雖然去過的地方實在不算多, 但真的喜歡當地既風景, 人物, .... 所以當知道有人帶狗狗去日本旅行, 就成為我的夢想, 跟爸爸提起, 佢通常都話呢樣麻煩, 果樣唔得.... 好了, 好彩有朋友也想帶他們的狗狗去, 結果2009年我們就開始籌備, 包括打瘋狗針, 年度針, 驗血, 安排行程, 住宿, 交通... 結果2010的秋天終於展開了我們的七日六夜紅葉之旅!!!

DAY 1 (12.11.2010)

好早就出發, 因為我地要去漁農署攪手續 (不過據聞呢個程序已經簡化左, 可以直接上counter check-in), 攪掂之後, 就上去check in... 過磅....